បើតាមសេចក្តីជូនដំណឹងរបស់ក្រសួងនេះឲ្យដឹងថា ដើម្បីត្រៀមលក្ខណៈនិងបង្ការជម្ងឺឆ្លងថ្មី ដែលបណ្តាលមកពីវីរ៉ីសហ្សីកា(Zika)ក្រសួងសុខាភិបាល ក្រើនរំឭកឲ្យប្រធានមន្ទីរ រាជធានី ខេត្ត ត្រូវផ្សព្វផ្សាយ អប់រំដល់ពលរដ្ឋ និងពង្រឹងប្រព័ន្ធតាមដាន ទប់ស្កាត់ទៅនិងជម្ងឺឆ្លងថ្មីនេះ។
សេចក្តីជូនដំណឹងដដែលចុះថ្ងៃទី២៩ ខែមករា បញ្ជាក់ថា ជម្ងឺឆ្លងប្រភេទថ្មីនោះ ឆ្លងតាមមូសខ្លាខាំ ធ្វើឲ្យំជម្ងឺមានរោគសញ្ញាដូចជម្ងឺគ្រុនឈានដែរ គឺអ្នកជម្ងឺមានអាការៈគ្រុនក្តៅ ឈឺក្បាល មានកន្ទួលក្រហមលើស្បែក ក្រហមភ្នែក និងឈឺសន្លាក់ដីជើងជាដើម។
ក្រសួងថា វិធីបង្ការត្រូវបំបាត់ជម្រកមូសខ្លា ដូចជាអនាម័យសំអាតជុំវិញផ្ទះ ការពារកុំឲ្យមានទឹកដក់ លុបបំបាត់សំបកកំប៉ុង សំបកកង់ឡាន សំបកត្រឡោកដូង។
បើតាមក្រសួងសុខាភិបាលវីរ៉ីសហ្ស៊ីកានេះ ត្រូវបានរកឃើតំបូងគេនៅទ្វីបអាហ្វ្រិក ក្រោយមកជម្ងឺនេះបានរាតត្បាតក្នុងតំបន់អាមេរិកខាងត្បូងនិងកណ្តាល ក្រោយមកដល់អាស៊ីប៉ាស៊ីហ្វិច។
ក្រសួងដែលដដែលបញ្ជាក់ទៀតថា ជម្ងឺនេះធ្លាប់រកឃើញមួយករណីនៅប្រទេសកម្ពុជាក្នុងឆ្នាំ២០១០ តែអ្នកជម្ងឺបានជាសះស្បើយ។ ក្រសួងបញ្ជាក់ដែលថា ជម្ងឺឆ្លងថ្មីពីមូសខ្លានេះ អ្នកជម្ងឺអាចជាសះស្បើយ រយៈពេល២ទៅ៧ថ្ងៃ មិនបង្កគ្រោះថ្នាក់ធ្ងន់ធ្ងដល់ការបាត់បង់ជីវិតទេ។
ប៉ុន្តែក្រសួងថា ជម្ងឺឆ្លងប្រភេទថ្មីនេះ គ្មានថ្នាំវ៉ាក់សាំង ឬការព្យាបាលជាក់លាក់ណាមួយសម្រាប់ជម្ងឺហ្ស៊ីកានេះទេ៕
No comments:
Post a Comment